فلة الجنه السبت نوفمبر 27, 2010 5:26 amكل سنة وانتم طيبين
وعيد سعيد عليكم وعلينا
النهاردة حاجرب معاكم طريقة سمعتها من صحبتى
الكب كيك الفراخ
وطبعا لانى خوافة
فقلت اجرب معاكم
ولو طلعت حلوة ابعتهلكم
تعالوا نشوف
حنحتاج صدور فراخ الكمية اللى انتى عايزاها
انا هنا عملت اربع قطع بس علشان كنت خايفة لتطلع وحشة بس بعد مادوقتها قلت ياريتنى كنت عملت اكتر
المهم حتجيبى الصدور وتغسليها وتبليها بالتتبيلة الخاصة بيكى وانا حقولكم على طريقتى السرية فى تتبيل البانية والبوفتيك واللى الكل بيتجنن من حلاوتها
شوفى يا ستى
بصلة متوسطة متقطعة صغير
ملح وفلفل
معلقة صغيرة نعناع ناشف
ومعلقة زعتر ناشف
معلقة زنجبيل
معلقة سماق
معلقة كزبرة مطحونة
فصين توم مدقوقين كويس ودقيق
نخلط كلة فى حلة غويطة مع شوية مية لغاية متبقى التتبيلة قوامها كويس لو لاقيتها ماسكة زيادة ضيفى مية ولو سايلة ضيفى شوية دقيق
وبعدين نحط البانية فيها
وحطيها فى التلاجة من بالليل للصبح
تانى يوم هاتى صينية الكب كيك وحطى فى العينتين اللى فى النص مية
علشان بخار المية يسوى الفراخ وميخليهاش تنشف
وحطى زيت فى العيون اللى حوالين المية
وبعدين ادهنى الجوانب بالزيت
دلوقتى هاتى قطع البانية وحطى ضهرها بس فى البقسماط
ورصى القطع فى العيون اللى فيها زيت زى كدا
ودلوقتى حنجيب بسطرمة نقطعها قطع وجبنة رومى مقطعة وفلفل رومى مكعبات وطماطم مكعبات وفلفل شطة اخضر مطحون وممكن تضيفى زيتون زى ما انتى عايزة
ونخلطهم ونحشى بيهم قطع البانية
ودلوقتى نقفل جوانب البانية على بعضها بالشكل دة
ندخل الصينية الفرن ونفتح عليها من فوق ومن تحت
بس متسبيهاش كتير لاحسن تتحرق
ودة شكلها بعد ما خرجت
ومش عايزة اقولكم على الطعمة والريحة يمممم يمممم
بالف هنا وشفا
وعيد سعيد عليكم وعلينا
النهاردة حاجرب معاكم طريقة سمعتها من صحبتى
الكب كيك الفراخ
وطبعا لانى خوافة
فقلت اجرب معاكم ولو طلعت حلوة ابعتهلكم
تعالوا نشوف
حنحتاج صدور فراخ الكمية اللى انتى عايزاها
انا هنا عملت اربع قطع بس علشان كنت خايفة لتطلع وحشة بس بعد مادوقتها قلت ياريتنى كنت عملت اكتر
المهم حتجيبى الصدور وتغسليها وتبليها بالتتبيلة الخاصة بيكى وانا حقولكم على طريقتى السرية فى تتبيل البانية والبوفتيك واللى الكل بيتجنن من حلاوتها
شوفى يا ستى
بصلة متوسطة متقطعة صغير
ملح وفلفل
معلقة صغيرة نعناع ناشف
ومعلقة زعتر ناشف
معلقة زنجبيل
معلقة سماق
معلقة كزبرة مطحونة
فصين توم مدقوقين كويس ودقيق
نخلط كلة فى حلة غويطة مع شوية مية لغاية متبقى التتبيلة قوامها كويس لو لاقيتها ماسكة زيادة ضيفى مية ولو سايلة ضيفى شوية دقيق
وبعدين نحط البانية فيها
وحطيها فى التلاجة من بالليل للصبح
تانى يوم هاتى صينية الكب كيك وحطى فى العينتين اللى فى النص مية
علشان بخار المية يسوى الفراخ وميخليهاش تنشف
وحطى زيت فى العيون اللى حوالين المية
وبعدين ادهنى الجوانب بالزيت
دلوقتى هاتى قطع البانية وحطى ضهرها بس فى البقسماط
ورصى القطع فى العيون اللى فيها زيت زى كدا
ودلوقتى حنجيب بسطرمة نقطعها قطع وجبنة رومى مقطعة وفلفل رومى مكعبات وطماطم مكعبات وفلفل شطة اخضر مطحون وممكن تضيفى زيتون زى ما انتى عايزة
ونخلطهم ونحشى بيهم قطع البانية
ودلوقتى نقفل جوانب البانية على بعضها بالشكل دة
ندخل الصينية الفرن ونفتح عليها من فوق ومن تحت
بس متسبيهاش كتير لاحسن تتحرق
ودة شكلها بعد ما خرجت
ومش عايزة اقولكم على الطعمة والريحة يمممم يمممم
بالف هنا وشفا
