فلة الجنه السبت نوفمبر 27, 2010 5:24 amهدخل فى الموضوع على طول طبعا العيد كان كله لحمة ماما ادتنى لحمة وطنط حماتى ادتنى لحمة وانا اشتريت لحمة المهم كان عندى دهن كتييييير ولحمة كمان كتير ههههه خير ربنا كتير والحمد لله
فقولت اعمل اللحمة والكبدة على طريقة زمااااااااااان
يعنى الطريقة دى للحمة او الكبدة بس انا النهاردة عاملة كبدة
لما يكون عندك دهن كتير فى اللحمة ومش بتحبى تاكليه اوعى ترميه اما انك تعملى به شوربه او تسيحيه ويبقى سمنة او تعملى بيه اللحمة والكبدة
اولا هتجيبى حلة وتحطى فيها الدهن اللى عندك
وتحطى معاها الكبدة انا مطلعاها من الفريزر طبعا كانت مغسولة وصفتها من الماء وحطتيها فى كيس فى الفريزر زلما اجى اطبخها اطلعها قبلها بيوم بليل فى التلاجة تحت فهية كانت لسة مافكتش عالاخر بس عادى ودى الصورة
ونحطلها ملحها وفلفل اسود بس
ونغطى الحلة وعالنار وتكون النار متوسطة يعنى لا عالية ولا واطية
بعد كدة نسيبها لحد ما لونها يتغير وتنزل مايتها يعنى حاولى ماتفتحيش الحلة غير بعد 10 دقايق كدة هيكون لونها اتغير تحطى ورقتين لورا و 2 حبهان وتوطى النار
ونقفل الغطا ونسيبها تانى شويه وبعدين هنلاقى الدهن ساح وبقى سمن وتلاقى الكبدة بتتحمر وبتاخد لون جميل اوى تاخدى بالك لتتحرق تقلبى كل شوية لحد ما لونها يبقى بنى كدة وحلو
اذا كانت لسة ماستوتش هنحط ميه قليلةجدا ونوطى النار ونغطى الحلة ونتركها لحد ماتستوى وفى اخر دقيقتين نعصر نص ليمونة يا عينى يا عينى
وبالهنا والشفا
بجد طعمها جميل جدا جدا وممكن تعملى كدة بالظبط مع اللحمة بس قطعيها مكعبات صغيرة مش كبيرة اوى ولا صغيرة اوى يعنى
وعلى فكرة برضه ممكن تاخدى السمن اللى فى الحلة دة تطبخى بيه رز او تحمرى بصلة وبيدى طعم جميل اوى فى الاكل و اهو توفير منه وفتلو ههههههههههه مش بيقولوا كدة برضه
ماتنسوووووووووووووووووووووووووووووش التقييييييييييييييييييييم والردووووووووووووود ربنا يخليكوا
